Litt om den nye jobben min – endeleg

Eg starta altså som fagleiar på Nordahl Grieg vidaregåande skule i februar, etter 12 år meir og mindre samanhengande jobb som lærar på Knarvik vidaregåande skule. Det var eit val som kravde litt tenking; det ville innebera store omskifte, også privat, med flytting. Men eg har alltid tenkt at eg bør ta utfordringar som kjem min veg, og stillingsutlysinga fortalde om draumejobben.

Og det er det! Mange spør meg kva eg EIGENTLEG gjer på, i og med at skulen ikkje opnar før i august. Eg skal prøva å seia litt om det. Mine arbeidsområde er ansvar for utviklinga av den pedagogiske bruken av IKT på skulen, og for samarbeidet skulen skal ha med UiB og med næringslivet. Mykje tid har gått med til arbeidet med utviklingsplanen vår, i samarbeid med dei andre i leiinga. Det har vore utruleg givande, og ein god måte å verta kjende på. Å få diskutere pedagogiske spørsmål med så flinke og engasjerte folk, få bryne seg på nye innfallsvinklar og tenkemåtar, er eit privilegium. Du finn rektor sine tankar om prosessen så langt på hennar blogg. På mandag førstkomande har vi invitert lærarutdanninga v. UiB til eit møte med utgangspunkt i utkastet til plan. Vi gler oss til å få deira innspel og til vidare samarbeid.

Skulen satsar tungt på forskningsbasert undervisning og teknologi. Det er eit mål for oss å hjelpe til med auka rekruttering i realfaga. Litt merkeleg at ein norsklærar skal jobba mykje med denne satsinga? Det er så spennande! Vi har fått ein pangstart på dette arbeidet med eit samarbeid med Mat-nat og Vilvite-senteret. Det er nok ikkje mi forteneste, men eg gler meg til å arbeida med det. Og eg lærer noko nytt kvar dag.

Når det gjeld kva grep vi skal ta innan pedagogisk bruk av IKT, skal eg koma tilbake til dette når utviklingsplanen er komen litt lenger.

Sjølvsagt driv vi også med meir trivielle ting, det er ein heil del som skal vera på plass når ein opnar ein skule! Rutinar og skjema, etc. Vi delar arbeidet mellom oss på desse tinga. Og ikkje minst må vi tenkje på opningsvekene – der alt er nytt for alle, både lærarar og elevar. Korleis får alle ein god start? Det er IKKJE trivielt, men frykteleg viktig.

No etterkvart har det gått opp for meg kva som har hendt. Eg har fått enorme utfordringar på ein ny arbeidsplass med nye nysgjerrige, kompetente, reflekterte, kritiske kollegaer. Kvar dag møter eg nye tankar og må utfordra meg sjølv. Eg har det fantastisk!

Advertisements

Forfattar: margreta

Fagleiar ved Nordahl Grieg vgs, med ansvar for pedagogisk bruk av IKT og eksternt samarbeid. Idealist og optimist. Glad i skule!

6 thoughts on “Litt om den nye jobben min – endeleg”

  1. For en glede å lese innlegget ditt. Det sies at den største motivasjon ligger i utfordrende arbeidsoppgaver. Ser ut til å være full treff hos deg 🙂

  2. Det slo meg akkurat: vet du hva jeg virkelig ser frem til? Å begynne høsten sammen med andre som er like entusiastiske som meg! Jeg føler meg av og til litt rar som på slutten av sommerferien blir rastløs og bare MÅ begynne planleggingen, og ivrer etter å møte årets elever. Nå tror jeg vi blir mange sånne på samme sted, og DET kan bli bra!

  3. Tusen takk for hyggelige kommentarar! Frøydis: Den positive energien trur eg det blir mykje av, og det som eg syns er aller best, er at Lin og Lise tenkjer system og strategi for å bevare og auke den!

  4. Kjekk lesning, rett person på rett plass. Lykke til med skolestart. Dere er blitt en flott bukett på skolen der og jeg gleder meg til å følge med dere videre :))

  5. Jeg anbefaler alle et jobbskifte etter tjue år! Gjerne før altså, men poenget er at det er utrolig godt å tømme hodet og utfordre sine mentale modeller som det så greit heter her hos oss. Åpne sinn og åpne dører er vår politikk, dessuten skal en alltid spørre hvorfor en gjør det en gjør. Og hvis svaret er at en gjør det fordi en alltid har gjort det sånn, så er det rett og slett ikke godt nok! «Du må begrunne svaret ditt», har jeg ofte skrevet til elever. Nå må også jeg begrunne svarene mine. På tide, spør du meg.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s